شي يقهر

[Rocky]

السلام عليكم ورحمه الله وبركاته

اليوم جايب لكم موضوع من راسي خ1خ1
صراحه يقهر قلت افضفض لكم واطرحه عليكم
قبل ساعه من الان كنت احوس بالمواقع الاجنبيه ابحث عن الجديد
وانا اطب ذاك المنتدى يا جعله يطيح على راس راعيه
لقيت فيه بنر اعلاني كبر قريح
/
\
توقعو وش ذا البنر ؟؟/
\
/

اعلان عن وظائف بالسعوديه
ما صدقت بالبدايه وانا ادخل
والا اشوف اكثر الشركات السعوديه رازه شعارها يا جعلها
تطيح على روس اصحابها تبي موظفين
قلت اشووف وش ذا الوظايف اللي للدرجه ذي ما يعلنون عنها
الا بالخارج ؟؟
/
\
يوم شفتها الا طالبين حاجات سهله
محاسبه وسكرتاريه ومشرفين
/
\
المشكله انهم يعطونهم مرتبات لا تقل عن 30 الف ريال بالشهر
لييييييييييييييييييييييه لانه اجنبي سيكو

ويقولون السعودي ما يستاهل لانه يهرب من الدوام ويتاخر
ما يلام لا تأخر والا هرب من الدوام لان راتبه 3500 ريال وبدون سياره :زعلان:
اما الاجنبي سياره اخر موديل وتأمين كامل حتى على الكرفته لا يجيها غبار خ2خ2

اخليكم مع الصوره
/
\
/
\مشاهدة الصور (http://up1.m5zn.com/photo/2008/12/9/10/t103fmywt.jpg/jpg)

[الصريحه]

شئ يقهررر الصررراحه :هاه1:

ودك تحط البنر بمواقع عربيه عششان يجيهم موظفين من السسعوديه :معصب1:


عآش الوطن :مستحي:


تسلم خيووو لآهنت ..

[عطر الزهر]

شي يقهر..

صدقتي يا الصريحهــ ..ودك تحط البنر بمواقع عربيه عششان يجيهم موظفين من السسعوديه


عآش الوطن

بس يلا تسلم اخوي..

[Rocky]

الصريحه
عطر الزهر

ما يبون موضفين سعوديين
يبون اجانب ليه مدري

اضرب لكم مثل
واحد من اصحابي يداوم بالعثيم

معه ثانويه علمي نسبته 90
غلط غلطه وسجل في الجيش مده 5 سنوات
وفصل من الجيش بسبب الراتب الزفت والتعب
وبعدها راح للتدريب المهني ودرس سنتين واخذ شهاده
فنى المنيوم وحداده وزجاج ونجاره
وراح يقدم ولا مكان قبله
وبعدها اشتغل سيكورتي في مستشفى مده 2 سنتين
وفصلوه ليه لان راتبه كثير وجابو واحد مبتدى وعطوه اقل راتب
بعدها اشتغل مع شركه مده سنه وفصلوه ليه ؟؟
لانه طالبهم براتب اكبر
والان شغال مع العثيم براتب 4000 ريال محاسب
يقول لي علينا مدير مصري راتبه 7000 ريال
وكل شهر يطلع عليه نقص بالحساب ولا يقولون له شي
وانا شغال لي سنتين نصف ريال ما نقص ؟؟

فعلا ليه ما يحطونه بدال المصري ؟؟؟؟

هنا مشكلتنا

الصريحه
عطر الزهر اشكركم على المرور العطر

[ظل انثى]

الله يعين
بس تبي الصراحه روكي
الشعب السعودي كسول واتكالي طبعا مو كله أكثره
انا ممرضه بمستشفى
وتعرف نظام الشفتات
وأفرح لما يكون معاي الأجنبيات مداومات لكن لما تكون سعوديه مداومه تعال شوف
وشلون يشتغلون السعوديات
وقبل لاينتهى الدوام الوحده لابسه عبايته ماتصدق حتي لو ماخلصت شغله

[admin]

::
:


جد شئ يقهرررر :هاه:

الله يكون بالعون =(

:قلب:

شكرآ روكي ..

[سمآإء }~]

عند جد شي يقهر ومالومك
بس هذا حسد لول الحسد مامات أحد
السعودين يبونهم يشتغلون صبآغين وغسالين
حاسدينهم على الرواتب الخياليه

الله يعين على هآلدنيآ ~
ولاتقهر نفسك الدنيا فانيه <~ برآ :)

[Rocky]

ظل انثى

انتي تتكلمين عن موضوع ان الاجانب ملتزمين بعملهم بعكس السعوديين
وضربتي مثل لي انك ممرضه وفيه الاجنبيات مخلصات بالعمل
وباقي السعوديات من يقرب ينتهي الدوام تحصلها لابسه العبايه تبي تطلع بس

ظل انثى راتب الاجنبيات يوفي معها ببلدها ويعيشها احسن عيشه
علشان كذا تحصلها ملتزمه بعملها ومحافظه عليه
وزي ما قلت انا في البدايه السعودي يهرب لانه يتعب واخر شي راتبه 3000
والاجنبي نفس التعب وياخذ 30 الف

اسئلك بالله يا ظل انثى راتبك يسوى تعبك في العمل ؟؟؟
واشكرك على مروركـ واضافه التعليق

روز
سماء

اشكركن على المرور

تحياتي

[ماأبيك بحياتي]

من جد شي يقهر

لاكن مانقول الله حسبي الله ونعم الوكيل

[ظل انثى]

الحمدلله راتبي يسوى
لكن مثل مااقلت الاكثر مو ملتزم
اما الاجنبي اكثر التزام
والانسان لما يعمل لازم يكون قدها
مهما يكون الراتب لانه بالاخير محتاج له
وان شاءالله يترقى بجهده خاصه
اذ جذب انتباه الاخرين بشغله الصح
طبعا مايتاخر ولاتروح عليه نومه
ومو يتافف ولا ينتقد كل شئ
اشياء كثيره ملاحظتها في المستتشفى


ومشكور ..

[Rocky]

ما ابيك بحياتي اسعدني مروركــ

ظل انثى انتي تتكلمين عن راتبك الان وانتي وحيده
تخيلي انك تصرفين على ثلاثه اطفال
صدقيني راتبك ما راح يكفي

واللي اعرفه وسمعت عن الممرضات واللي في الاستقبال
انه اذا زادت خدمتها عن 3 سنوات لا بد يزاد في راتبها
وانا اعرف مستشفى هنا في السعوديه كل فتره يفصل هذي الممرضات
ويستبدلها بممرضات توهن متخرجات لكي يعطيهن راتب اقل
واللي توها متخرجه راح تقبل بأي راتب المهم تشتغل
اي ظلم هذا ؟؟
لا تدافعين يا ظل وتحطين اللوم علينا
مشكوره يا ظل على تعليقكـ